پښتون کاروباري پيوستون اماراتو د غړو لومړۍ ناسته، دوبۍ



د پښتون کاروباري پيوستون اماراتو د غړو لومړۍ ناسته دوبۍ، مشرپ پارک کې ترسره شوه. د پيوستون درنو غړو هېواد او نړۍ کې په بيلابېلو کاروباري وارو راڼا واچوله او د کاروبار په اړه يې يو بل سره ارزښتمن مالومات او مشورې شريکې کړې، همدارنګه په هېواد کې د خوړو، سيک يا انرژۍ، کانونو او هوايي چلند برخو کې پانګونه له لومړيتوبونو ياده شوه، بيابيا ټينګار وشو چې پيوستون ملګري ونډييز يا سهامي ډول ځينې شريکې سترې پانګونې رامنځته کړي. ناسته کې ميلمه ښاغلى ډاکټر فاروق اعظم چې له کابل څخه نوى راستون شوى وو هېواد کې د کاروباري چاپېريال په اړه وويل، حکومتي اراده شته خو د پانګوالو يووالى کولاى شي حکومتي تګلارو کې د سمون او پانګوالو ته د اسانتياوو لامل شي.

سره له ډېرو بوختياوو او کرونايي ستونزو ناسته کې له دوبۍ،شارجې، العين او عجمان څخه د پيوستون امارات مېشتو غړو نېږدې ٩٥٪ غړو وياړمن ګډون هيله بښونکى او د ډېر وياړ وړ دى، غړو په يوه خوله هېواد کې د بېوزلۍ لمنځه وړلو لپاره خپلې اندېښتنې څرګندې کړې او د هېواد د پرمختګ لپاره يې ټينګ هوډ سره يو بل سره د همکارۍ ژمنې په غورځنګ وې.